– Na vicchiaredda,
stava puntiannu na cosittedda;
cci scappò un puntu
e dumani tû cuntu.

– Maritu bonu, maritu tintu,
megghiu un nn’aviri,
nè bonu, nè tintu.

– À jaddina chi camina,
s’arricogghi câ vozza china.

– Ccò’ jaddu o senza jaddu
Diu fa ghiornu.

– Manciari senza viviri
è comu truniari senza chioviri.

– Ddi l’amici e dde parenti,
nun accattari e nun vinniri nenti.

– À casa capi,
quantu voli ù patruni

– Megghiu ù tintu canusciuto,
ca ù bonu a canusciri.

– Un patri po’ campari centu figghi,
centu figghi nun ponnu campari un patri.

– Figghi nichi
guai nichi;
figghi ranni
guai ranni;

– Pasta grossa inchi l’ossa.

– Nun è sempri chi riri
a muggheri dò latru.

– Cu tempu aspetta, tempu perdi.

– Cu’ mancia assai, s’affuca

– Dui jaddi nun ponnu
stari ndo stessu puddaru.

– Si nun manciamu carni,
vivemu broru.

– Cu nasci tunnu,
un po` moriri quatratu.

– Cu si vesti di robba di l’avutri,
prestu si spogghia.

– Fa oggi chiddu
ca nun po’ fari dumani.

– Pani e sacramentu
cci nn’è in ogni cunventu.

– Figghi maritati,
matri strati strati.

– Consala comu voi,
sempri è cucuzza.

– Cu di spiranza campa,
dispiratu mori.

– Calati iuncu,
ca passa à china.

– Cu sputa ncelu,
nfaccia ci torna.

– Di jornu un nni vogghiu
e di sira spardu l’ogghiu.

– O ti manci sta minestra
o ti ietti dâ finestra.

– Ogni porcu
havi ù sò carnivali.

– Cci rissi ù surci a nuci:
“Dammi tempu, ca ti spirtusu”.

– Stenni ù peri
quantu ù linzolu teni.

– Mbriachi e picciriddi
Diu l’aiuta.

– Ama u maritu to’,
cu viziu so’

– À megghiu parola
è chidda ca un si dici.

– Acqua davanti,
ventu darreri,
e furmini mmenzu ì peri.

– Povira sì,
ma ngrasciata pirchì?

– Ogni lignu havi ù so’ fumu.

– Babbiannu, babbiannu
si rici à virità.

– Ù troppu è troppu
e nesci fora dâ pignata.

– Ù superchiu rumpi ù cuperchiu.

– Cu’ parra picca, campa cent’anni.

– Un cci rristaru mancu l’occhi pi chianciri.

– Un ti mmiscari, un ti ntricari, un fari beni, ca mali ti veni.

– Troppu lussu manciari patati!

– Un parrari a muzzu, comu ì cavuli a mazzu !

– Cu’ mancia, fa muddichi.

– Ù salutu ù lassò ù Signuri.

–  Mettiri panza e prisenza.

–  Farisi ù sangu acqua.

– Cci vulissi comu ù pani.

– È tuttu fumu e nenti arrustu.

–  Aviri l’occhi a pampinedda.

–  Fari ù diavuli a quattru.

–  Iri a ligna senza corda.

–  Na manu lava l’atra e tutte è ddui di lavanu a facci.

– Mastru Japicu, ora vegnu.

–  Ù pisci feti ndâ testa.

–  Unni arrivu, cci appizzu un lignu

–  Pirchì dui un ponnu fari tri.

–  Chi nicchi e nacchi parenti semu!

– Ogni ficateddu i musca è sustanza.

– Pigghia in capu pun paiari u ddaziu

–  Chi focu ranni!

–  È longu ammatula.

– Fungi, pateddi e ranci,
spenni assai
e nenti manci.

– Vucca cun parra
si chiama cucuzza!

– È cchiù tintu
d’un chiovu î carrozza

– Tra maritu e muggheri,
cu’ si cci misca,
resta n’arreri.